सामाजिक संजालमा नेपाली सेनाप्रति जथाभावी घृणा फैलाउने अभिव्यक्ति दिएको आरोपमा प्रहरीले डिल्लीराम खनाललाई पक्राउ गरेको छ ।
सेनाले दिएको सूचनाको आधारमा अनुसन्धान गरेर उनलाई विद्युतीय कारोबार ऐन, २०६३ अनुसार अनुसन्धान गर्न नेपाल प्रहरीको साइबर ब्यूरोले पक्राउ गरेको हो ।
उनले सामाजिक संजालमा चर्चा कमाउनकै लागि नेपाली सेनाका बारेमा अनर्गल टिकाटिप्पणी गर्ने गरेको आरोप छ ।
उनलाई ७ दिन हिरासतमा राखेर अनुसन्धान गर्न जिल्ला अदालत, काठमाडौँले अनुमतिसमेत दिएको छ ।
खनाल यसअघि पनि अभिनेत्री करिश्मा मानन्धरको बारेमा अप्रमाणित अभिव्यक्ति दिएका कारण उनलाई ब्युरोले पक्राउ गरेको थियो ।
कार्तिक १४, २०८० १०:२९ मा प्रकाशित
