काठमाडाैँ । सर्लाहीबाट काठमाण्डौ जाँदै गरेको हायस दुर्घटनामा परेको छ । शुक्रबार मध्यान्ह सिन्धुलीको गोलोन्जोरमा उक्त हायस दुर्घटना हुँदा ११ जना घाइते भएका छन्।
दिउँसो करिब पौने १२ बजे जिल्लाको गोलोन्जोर गाउँपालिका–७ स्थित सुनकोसी मरीन डाइभर्सन नजिक अनियन्त्रित भएर हायस सडकबाट करिव ३० मिटर तल खस्दा ११ जना घाइते भएका हुन् ।
जिल्ला प्रहरी कार्यालय सिन्धुलीका अनुसार घट्नास्थलमा सशस्त्र प्रहरीको विपद व्यवस्थापन सुरक्षा बेस खुर्कोटबाट गोताखोर सहितको टोली परिचालन गरिएको छ । दुर्घटनामा घाइते भएकाहरुलाई उद्धार गरी उपचारको लागि खुर्कोटको शुभजीवन अस्पताल पठाइएको प्रहरीले जनाएको छ।
असार २८, २०८१ ०४:०२ मा प्रकाशित
