सल्यानमा आधा शरीर जलेको अवस्थामा शव फेला परेको आमा छोरीको हत्या भएको पुष्टि भएको छ । जिल्ला प्रहरी कार्यालय सल्यानका अनुसार घर भित्रै आधा जलेको अवस्थामा फेला परेका ३२ वर्षीय रेवती थापा र ९ महिनाकी ऋतुको थापाको हत्या भएको अनुसन्धानमा देखिएको छ ।
भदौ ३० गते बिहान त्रिवेणी गाउँपालिका २ मा घरको कोठा भित्र आमा छोरीको आधा जलेको अवस्थामा शव भेटिएको थियो । प्रहरीका अनुसार हत्या आरोपीले आगो लागेर मृत्यु भएको देखाउन हत्या गरी जलाएका थिए ।
घटनामा संलग्न रहेको आरोपमा सल्यान प्रहरीले एक जनालाई पक्राउ गरेको छ । प्रहरीका अनुसार उनले घटना गराएको स्वीकार गरेका छन् ।
आश्विन ४, २०८० १२:०५ मा प्रकाशित
