काठमाडौं । इँटाभट्टामा जिउँदै मानिस जलाएको घटनाका आरोपित मोहम्मद अफताब आलमको मुद्दामा जिल्ला अदालत रौतहटले १५ दिनभित्र बहस नोट पेश गर्न आदेश दिएको छ ।
२०६४ साल चैतमा संविधानसभा चुनावका बेला मानिस जलाएको घटनाका आरोपित आलमको मुद्दामा जिल्ला न्यायाधीश बाबुकाजी बानियाँको इजलासले मुद्दाको गाम्भीर्य र जटिलता विचार गरी सरकारी सरकारी वकिल र आलमका वकिललाई सबै विषय समेटेर १५ दिनभित्र बहस नोट पेश गर्न आदेश दिएको हो ।
आलम जिल्ला अदालतकै आदेशमा २०७६ कात्तिक २९ गतेदेखि पुर्पक्षका लागि थुनामा छन् ।
आलमको मुद्दा नेपाल सरकारले एक पटक मुद्दा नचलाउने निर्णय गरिसकेको तर सर्वोच्च अदालतले उक्त निर्णय बदर गरेर पुन मुद्दा अघि बढाउने आदेश दिएको थियो ।
कार्तिक २२, २०८० १०:३५ मा प्रकाशित
