काठमाडाैँ । टीकापुरको १५ बिघा सार्वजनिक जग्गा व्यक्तिको नाममा बनाएको अभियोग अख्तियार दुरुपयोग अनुसन्धान आयोगले मालपोत कार्यालय टीकापुरका तत्कालीन कार्यालय प्रमुखसहित ८ जनाविरुद्ध भ्रष्टाचार मुद्दा दायर गरेको छ ।
अख्तियारका प्रवक्ता नरहरि घिमिरेका अनुसार तत्कालीन प्रमुख मोहन स्नेही रसाइली र नापी कार्यालय, टीकापुरका तत्कालीन कार्यालय प्रमुख मान बहादुर चन्दसहित ८ जनाविरुद्ध विशेष अदालतमा भ्रष्टाचार मुद्दा दायर भएको हो ।
अख्तियारले मालपोतमका नासु अग्नीबहादुर शाही, नापीका सर्भेक्षक दशरथ मण्डलसहित विन्द्र रावल, कमलबहादुर रावल, सुशीबहादुर रावल र विमलबहादुर रावलमाथि भ्रष्टाचार मुद्दा दायर गरेको हो ।
अख्तियारले उनीहरुविरुद्ध जनही २४ करोड ६ लाख ६९ हजार बराबर बिगो मागदाबीसहित भ्रष्टाचार मुद्दा दायर गरेको हो ।
जेष्ठ ६, २०८१ ०३:५३ मा प्रकाशित
