महोत्तरीको गौशालामा मोटरसाईकल मा सवार अज्ञात दुई जनाको समुहले चलाएको गोली बाट एक जना घाइते भएका छन । सोमवार साँझ ६ बजे गौशाला को मरहा खोला नजिक मोटरसाईकलमा सवार दुई अपरिचित व्यक्तिको गोली प्रहारले गर्दा गौशाला नगरपालिका ११ का ३२ वर्षीय विनय कुमार महतो घाइते भएका छन ।
घाइते भएका विनयको ढाढमा गोली लागेको छ गम्भीर घाइते भएका महतोलाई उपचारका लागि जनकपुर लगिएको छ। यता घटना को सूक्ष्म अनुसंधान भईरहेको र गोली चलाउने अपरिचित दुई जनाको खोजतलासका लागि प्रहरी परिचालन गरिएको जिल्ला प्रहरी कार्यालय महोत्तरीका प्रहरी नायब उपरिक्षक सन्तु प्रसाद जैसवार ले जानकारी दिए ।
घटना स्थलमा २ राउन्ड गोलीको खोका र दुई राउन्ड गोली बरामद भएको छ।
जेष्ठ २८, २०८१ ०८:३४ मा प्रकाशित
