काठमाडाैँ । राष्ट्रपति रामचन्द्र पौडेलले तीन प्रदेशमा नयाँ प्रदेश प्रमुख नियुक्त गरेका छन्। राष्ट्रपति पौडेलले मन्त्रीपरिषद्को निर्णयबमोजिम बागमती, लुम्बिनी र कर्णाली प्रदेशका नयाँ प्रदेश प्रमुख नियुक्त गरेका हुन् ।
सोमबार बसेको मन्त्रीपरिषद् बैठकको सिफारिसबमोजिम राष्ट्रपति पौडेलले नेपालको संविधानको धारा १६३ को उपधारा (२) बमोजिम प्रदेश प्रमुख नियुक्त गरेको शीतलनिवासले जनाएको छ।
राष्ट्रपति पौडेलले बागमतीमा कैलालीका दीपकप्रसाद देवकोटा, लुम्बिनीमा रोल्पाका कृष्णबहादुर घर्तीमगर र कर्णाली प्रदेशमा बझाङका यज्ञराज जोशीलाई नियुक्त गरेका हुन् ।
श्रावण १६, २०८१ ०५:२२ मा प्रकाशित
