भौतिक पूर्वाधार मन्त्री प्रकाश ज्वालाको गाडीमा आगजनी ५ जनालाई प्रहरीले पक्राउ गरेको छ । इपिएस परीक्षाको विषयमा असन्तुष्टि जनाउँदै प्रदर्शनमा उत्रिएकाहरुले आगजनी गरेपछि उनीहरुलाई पक्राउ गरिएको ललितपुर प्रहरीले जनाएको छ ।
ईपीएस परीक्षाको विषयमा असन्तुष्टि जनाउँदै प्रदर्शनमा उत्रिएका युवाहरूले एक मन्त्रीको गाडीमा आगजनी गरेका थिए । उनीहरुले ललितपुरको बालकुमारीमा बा २ झ ५८६१ नम्बरको गाडीमा आगजनी गरेका हुन् ।
भौतिक पूर्वाधार तथा यातायात मन्त्री प्रकाश ज्वालाले प्रयोग गरेको उक्त गाडीबाट प्रदर्शनकारीले पीएसओलाई गाडीबाट बाहिर निकालेर आलो लगाइदिएका थिए । उक्त गाडी ग्वार्कोबाट बालकुमारीतर्फ जाँदै गरेको थियो ।
प्रदर्शनकारीले सडकमै आगजनी गरेर प्रदर्शन गरेपछि यतिबेला बालकुमारी क्षेत्र तनावग्रस्त छ । स्थितीलाई नियन्त्रणमा लिन प्रहरीले अश्रुग्यास समेत प्रहार गरेको छ ।
