काठमाडौँ । महानगरपालिका–३१ स्थित आलोकनगरमा सार्वजनिक जग्गा मिचेर बनाइका भौतिक संरचनामाथि महानगरले डोजर चलाएको छ । वडा कार्यालयले खेलकुद पार्क बनाउने तयारी गरेको सार्वजनिक जग्गामा बनेका अस्थायी घर टहरा भत्काइएको महानगर प्रहरीले जनाएको छ ।
नगर प्रहरीले १४ वटा टहरा भत्काएको हो । उक्त क्षेत्रमा मानिसहरुले अनाधिकृत रुपमा संरचना बनाएको र भाडामा समेत लगाएको पाइउपछि डोजर चलाइएको महानगरले जनाएको छ । महानगरले डोजर चलाउनुअघि ति संरचना बस्ने मानिसहरुले प्रयोग गर्दै आएको सामग्रीहरु हटाएर डोजर चलाएको बताएको छ ।
माघ २१, २०८० ०३:०७ मा प्रकाशित
