काठमाडाैँ । काठमाडौँबाट जनकपुरतर्फ जाँदै गरेको माइक्रो बस सिन्धुलीमा दुर्घटना भएको छ । दुर्घटनाम परि एक जनाको मृत्यु भएको छ भने ११ जना यात्रु घाइते भएका छन्।
दुर्घटनामा परि घाइते भएका चारजनाको अवस्था गम्भीर रहेको जिल्ला प्रहरी कार्यालय सिन्धुलीले जनाएको छ।
बिहीबार साँझ बीपी राजमार्ग हुँदे जनकपुरतर्फ गइरहेको बा ३ ख ८४४५ नम्बरको माइक्रो सुनकोशी गाउँपालिका–७ कानढुंग्रीमा दुर्घटनामा परेको हो । दुर्घटनामा परि मृत्यु हुनेमा जनकपुर उपमहानगरपालिका १० का ५० वर्षीय निर्मल गुप्ता रहेको प्रहरीले जनाएको छ । उनको उपचारका क्रममा धुलिखेल अस्पतालमा मृत्यु भएको छ ।
त्यस्तै २ जना गम्भिर घाइतेको धुलिखेल अस्पताल र अन्य २ जनाको काठमाडौँस्थित ट्रमा सेन्टरमा उपचार भइरहेको प्रहरीले जनाएको छ ।
गुडिरहेको अवस्थामा टायर पञ्चर भएर माइक्रो बस सडकबाट तल खसेर दुर्घटना भएको सिन्धुली प्रहरीले जनाएको छ ।
