काठमाडौँ । पूर्वमन्त्री तथा नेकपा एमालेका नेता महेश बस्नेतविरुद्ध जबरजस्ती करणीको को किटानी जाहेरी परेको छ । एक महिलाले हुलाकमार्फत पठाएको जाहेरी दर्ता भएको प्रहरी स्रोतले जनाएको छ ।
जाहेरीमा बस्नेतले पटक पटक बलात्कार गरेको, करिब तीन महिनाको भ्रुण हत्या गरेको आरोप लगाइएको छ । साथै जाहेरीकताृ महिलाले आफू बस्ने अपार्टमेण्टमा बस्नेतले केटाहरु पठाएर मोबाइल लगायत डिभाइस लेगेको र कुटपिट समेत गरेको आरोप लगाइएको छ ।
बस्नेत एमाले निकट राष्ट्रिय युवा संघको संयोजक हुन् भने उनी पूर्वमन्त्री समेत हुन् । उनी सुशील कोइराला प्रधानमन्त्री भएको समयमा उद्योगमन्त्री बनेका थिए ।
प्रहरीले जाहेरी दर्ता गरी अनुसन्धान प्रक्रिया अघि बढाएको छ ।
चैत्र २५, २०८० ०७:१० मा प्रकाशित
