![]( https://sidhakura.com/content/upload/post_image/hp-dabi-pespngsdwcxzofh.png)
काठमाडाैँ । बागमती प्रदेशको मुख्यमन्त्रीमा नेपाली कांग्रेसका सांसद बहादुर सिं लामाले दाबी पेश गरेका छन् । लामाले कांग्रेस र एमालेका सांसदको समर्थनमा मुख्यमन्त्रीका लागि दाबी पेश गरेका हुन् ।
मुख्यमन्त्री लामाले कांग्रेसका ३७ र एमालेका २७ गरी ६४ सांसदको समर्थनसहित दाबी पेश गरेका हुन् ।प्रदेश प्रमुख यादवचन्द्र शर्माले मंगलबार साँझ ५ बजेभित्र संविधानको धारा १६८ (२) अनुसार बहुमतको सरकार गठनका लागि आह्वान गरेअनुरुप लामाले मंगलबार दाबी पेश गरेका हुन् ।
केन्द्रमा भएको सत्ता समिकरण फेरबदलपछि प्रदेश सरकारमा पनि त्यसको असर परेको छ । जसमा बागमतीमा पनि एमाले र कांग्रेस मिलेर सरकार बनाउन लागेका हुन्, जसका लागि मन्त्रालयको भागबण्डासमेत बाँडफाँड भइसकेको छ ।
कांग्रेसले मुख्यमन्त्रीसहित ७ मन्त्रालय र एमालेले भौतिक पूर्वाधार मन्त्रालयसहित ६ वटा मन्त्रालय लिने सहमति भएको छ ।
१ सय १० सदस्यीय प्रदेश सभामा बहुमतका लागि ५६ सांसदको समर्थन आवश्यक छ । सरकार गठनका लागि कांग्रेस र एमालेका सांसद संख्या पर्याप्त छन् ।