सरकारको सिफारिसमा राष्ट्रपति रामचन्द्र पौडेलले यही माघ २२ गते अपराह्न ४ बजे बस्ने गरी संघीय संसदको दुवै सदन (प्रतिनिधि सभा र राष्ट्रिय सभा) को बैठक आह्वान गरेका छन् ।
उक्त आह्वान पछि माघ २२ गते सोमबार देखि सुरु हुने संसद बैठकका लागि नयाँ बानेश्वर स्थित संघीय संसद भवन तयारी अवस्थामा राखिएको छ। संसद भवन वरिपरी सफा गर्ने र भवन चिटिक्क पार्ने काम धमाधम हुँदैछ। संसद बैठक व्यवस्थित रुपमा चलाउनका लागि प्रतिनिधि सभा र राष्ट्रिय सभामा छुट्टाछुट्टै कार्यव्यवस्था महाशाखा रहेका छन्।
संघीय संसदका महासचिव पद्मप्रसाद पाण्डेय सहित संसदको कार्यव्यवस्था महाशाखाका कर्मचारीहरुले भवन र बैठक कक्षको निरीक्षण गरिएको छ। कार्यव्यवस्था महाशाखाको टोली द्वारा भवन र बैठक कक्षको निरीक्षण गरिएको छ । संसद्का दुवै सदन हिउँदे अधिवेशनका लागि चिटिक्क पारिँदै छ ।
माघ १७, २०८० ०६:३९ मा प्रकाशित
