काठमाडौँ । प्रमुख प्रतिपक्षी नेकपा माओवादी केन्द्रसहितका विपक्षी दलहरुको बैठक संसद् भवन नयाँ बानेश्वरमा सुरु भएको छ। प्रमुख प्रतिपक्षी दलका नेता पुष्पकमल दाहाल ‘प्रचण्ड’को कार्यकक्षमा बसेको बैठकमा माओवादी केन्द्र सहित राष्ट्रिय स्वतन्त्र पार्टी, एकीकृत समाजवादी, राप्रपा, नेपाल समाजवादी लगायतका दल सहभागी भएका छन्।
बैठकमा माओवादीबाट नारायणकाजी श्रेष्ठ, वर्षमान पुन, रास्वपाबाट कार्यबहाक सभापति डीपी आर्याल र सन्तोष परियार, राप्रपाका अध्यक्ष राजेन्द्र लिङ्देन र बुद्धिमान तामाङ, नेकपा एकीकृत समाजवादीबाट अध्यक्ष माधवकुमार नेपाल र बेदुराम भुसाल लगायतका नेताहरु उपस्थित भएका छन् ।
बैठकमा सहभागी एक नेताका अनुसार सरकारले ल्याएको अध्यादेशका सम्बन्धमा साझा धारण बनाउने, सरकारबाट संसद बैठक आह्वान नभएको खण्डमा विषेश अधिवेशन माग गर्ने लगायतका विषयमा छलफल चलिरहेको छ । बैठक सकिए लगत्तै संयुक्त पत्रकार सम्मेलन गर्ने जनाइएको छ ।
