काठमाडौँ । नेपाली क्रिकेट टोलीका पूर्व कप्तान सन्दीप लामिछानेविरुद्धको मुद्दामा उच्च आदलत पाटनले पीडित गौशाला २६ को जन्मदर्ताको निवेदन सम्बन्धी कागजात झिकाउन आदेश दिएको छ । उच्च अदालतका न्यायाधीशद्वय मुनेन्द्रप्रसाद अवस्थी र दुर्गाप्रसाद ढुंगेलको इजलासले उक्त आदेश गरेको हो ।
त्यस्तै अदालतले गौशाला २६ को जन्मदर्ताको प्रमाणपत्र पनि पेश गर्न आदेश दिएको छ ।
जिल्ला अदालत काठमाडौँले गत पुस २५ गते बलात्कार मुद्दामा दोषी ठहर भएका क्रिकेटर लामिछानेलाई आठ वर्ष जेल सजाय, जरिवाना र क्षतिपूर्ति गरी रु पाँच लाख भराउने फैसला सुनाएको थियो । उक्त फैसलाविरुद्ध लामिछानेले उच्च अदालत पाटनमा पुनरावेदन गरेका थिए ।
यसअघि उच्च अदालत पाटनले लामिछानेको मुद्दामा झगडिया झिकाउन आदेश दिएको थियो ।
वैशाख ३, २०८१ ०६:३० मा प्रकाशित
