काठमाडाैँ : राष्ट्रिय सभा निर्वाचनका उम्मेदवारहरूविरुद्ध दाबी विरोध तथा उजुरी दिनका लागि मंगलबारका लागि समय तोकिएको छ।
निर्वाचन आयोगका अनुसार हिजो (सोमबार) मनोनयन दर्ता गराएका उम्मेदवारविरुद्ध आज दाबी विरोध र उजुरीको कार्यतालिका रहेको छ ।
उम्मेदवारहरूविरुद्ध परेका उजुरीबारे यही पुस २५ र २६ गते जाँचबुझ गरी आयोगले उम्मेदवारको नामावली प्रकाशन गर्नेछ।
आगामी माघ ११ गते हुने राष्ट्रिय सभा निर्वाचनका १९ सिटका लागि सोमबार सात प्रदेशबाट ५२ जनाले मनोनयन दर्ता गराएका छन् ।
त्यस्तै निर्वाचनमा उम्मेदवारी नदिने भन्दै नाम फिर्ता लिन चाहने उम्मेदवारले पुस २७ गते आफ्नो नाम फिर्ता लिन सक्ने आयोगको कार्यतालिका छ ।
पुस २४, २०८० ०७:४२ मा प्रकाशित
