काठमाडौँ । नेकपा एमालेका अध्यक्ष केपी शर्मा ओलीले वर्तमान सरकार अलोकतान्त्रीक र भ्रष्ट सरकार भएको बताएका छन् ।
शुक्रबार काठमाडौँमा बैंक, बीमा तथा वित्तीय क्षेत्र कर्मचारी संघ नेपालको राष्ट्रिय महाधिवेशन उद्घाटन गर्दै ओलीले वर्तमान सरकार गैरकानूनी, वेतिथीतीसँग चल्ने अलोकतान्त्रीक र भ्रष्ट सरकार भएको बताएका हुन् । उनले सरकारकै कारण राजनीतिक, सांस्कृतिक, आर्थिक र सामाजिक क्षेत्र नै तहसनहस भएको आरोप लगाए ।
त्यस्तै अध्यक्ष ओलीले गठबन्धनले जित्ने नदेखेर प्रधानमन्त्रीले हस्तक्षेप गरेर स्काउटको सम्मेलन रोक्न निर्देशन दिएको भन्दै आपत्ती जनाए । स्काउटको सम्पती कांग्रेसले बल देखाएर लुटेर खाइरहेको उनको आरोप छ । उनले अदालतको आदेश बिपरित स्काउटको सम्मेलन स्थगीत गर्ने बिषयमा प्रधानमन्त्रीसँग पनि जिज्ञासा राखेको र मिलाएर लैजाने जवाफ पाएको बताऐ । रेडक्रस, गैर आवासीय नेपाल संघ लगाएतका संस्थामा समेत गठबन्धन सरकारले हस्तक्षेप गरेको उनको आरोप छ ।
