चन्द्रपुर । रौतहटको चन्द्रपुर नगरपालिकाको उत्तरी क्षेत्रको मानव बस्तीमा जंगली हात्ती प्रवेश गरी क्षती पुर्याएको छ । गएराति चन्द्रपुर नगरपालिका–३ गैडाटार निवासी चित्रबहादुर भोलन र जगत बहादुर राईको घरमा जंगली हात्ती प्रवेश गरी घर भत्काउनुको साथै धानको भकारी भत्काइदिएको छ ।
बोलनको घरको टाटी र राईको घरको धानको भकारी भत्काईदिएपछी उनीहरुको ठूलो नोक्सानी भएको छ । बर्षभरी खानका लागि जोहो गरेर राखेको धान हात्तीले नोक्सान गरिदिदा राई परिवार पिडामा छ्न । जंगली हात्तीले किसानको केरा बारीमा समेत क्षती पुर्याएको स्थानीयले जानकारी दिए ।
पुस २६, २०८० ०३:०० मा प्रकाशित
