काठमाडौं महानगरपालिकाका मेयर बालेन शाहले आन्दोलनरत शिक्षकहरुप्रति व्यंग्य गरेका छन् ।
संसदमा दर्ता भएको शिक्षा सम्बन्धी विधेयकको विरोध गर्दै देशभरका शिक्षकहरु काठमाडौंको माइतिघर र बानेश्वरमा आन्दोलनरत छन् । आन्दोलनका क्रममा उनीहरुले सडकको डिभाइडरमा लगाइएको बिरुवा र दुबो नष्ट गरेको दृश्य सामाजिक संजालमा फेसबुकमा राख्दै शिक्षकहरुप्रति व्यंग्य गरेका हुन् ।
उनले विद्यालयमा शिक्षकहरुले विद्यार्थीलाई पढाउने गरेको महाकवि लक्ष्मीप्रसाद देवकोटाको कविताको एक हरफ साभार गरेर व्यंग्य गरेका छन् । उनले लेखेका छन् ः
‘नटिप्नु हेर कोपिला
नचुँड्नु पाप लाग्दछ
नच्यात्नु फुल नानी हो
दया र धर्म भाग्दछ ’
यी पंती बालबालिकालाई शिक्षकहरुले कक्षाकोठामा अत्याधिक रटाउने पंती हुन् । तर आन्दोलनका क्रममा शिक्षकहरुले नै बोट बिरुवाको नास गरेपछि बालेन तस्विरसहित उक्त स्टाटस लेखेका हुन् ।
सडकपेटी तथा डिभाइडरमा रोपिएका बोटविरुवाहरुको महानगरले निरन्तर संरक्षण गर्दै आएको छ ।
