रसुवा । सोमबार साँझ रसुवाको आमाछोदिङ्मो गाउँपालिका २ नेशिङ खोलामा मिनी ट्रक दुर्घटना हुँदा तीन जनाको मृत्यु भएको प्रहरीले जनाएको छ । जिल्ला प्रहरी कार्यालयका अनुसार दुर्घटनामा पाँच जना घाइते भएका छन् ।
नेशिङ्बाट आलु बोकेर ग्रे गाउँतर्फ गइरहेको बा५ख ५७८ नम्बरको मिनी ट्रक दुर्घटना हुँदा आमाछोदिङ्मो २ का ३२ वर्षीय अक्कलबहादुर तामाङ, ३० वर्षीय फुर्पु छेवाङ तामाङ र ३९ वर्षीया पेम्वाडोल्मा तामाङको मृत्यु भएको छ प्रहरीले जनाएको छ ।
दुर्घटनामा घाइते भएकाहरुमध्ये एक जनाको खुट्टा फ्याक्चर भएकाले जिल्ला अस्पतालमा उपचार भइरहेको छ । अन्यको अवस्था सामान्य छ ।
आश्विन २३, २०८० १२:३७ मा प्रकाशित
