काठमाडाैँ । काठमाडौबाट चित्लाङतर्फ गैरहेको निजी कार चन्द्रागिरि ४ सेतो पहरामा दुर्घटना हुँदा ४ जनाको मृत्यु भएको छ भने ६ वर्षीय बालक घाइते भएका छन् ।
शनिबार प्रदेश—३— ०१—०२३ च ६९८५ नम्बरको कार दुर्घटना हुँदा काठमाडौं लाजिम्पाट बस्ने ओमकार तिवारी, महेशकुमार गौतम, कल्पना गौतम र श्रीयन्स गौतमको घटनास्थलमै मृत्यु भएको थानकोट प्रहरी कार्यालयले जनाएको छ । कार्यालयका प्रहरी नायव उपरीक्षक नारायण अधिकारीका अनुसार ६ वर्षीय स्माइल गौतम घाइते भएका छन् । उनको अवस्था गम्भिर रहेको छ ।
हेटौंडा काठमाडौं छोटो दुरीको कुलेखानी, फाखेल, सिस्नेरी र चखेलको सडक मर्मत सम्भारका कारण सवारीसाधन चल्न रोक लगाएपछी थानकोट चित्लाङ सडक खण्डमा सवारी चाप बढेको छ ।
पुस २८, २०८० ०३:५२ मा प्रकाशित
