धादिङ : धादिङमा ट्रकको ठक्करबाट २ बालकको मृत्यु भएको छ ।
काठमाडौंबाट चितवन जाँदै गरेको प्रदेश २ ००१ ख ६४१३ नम्बरको ट्रकले पृथ्वी राजमार्ग अन्तर्गत धादिङको गजुरी गाउँपालिका २ मजुवामा दुई बालकलाई ठक्कर दिएको हो । धादिङका प्रहरी प्रमुख एसपी गौतम मिश्रका अनुसार उनीहरूको घटनास्थलमै मृत्यु भएको थियो ।
मृत्यु हुनेमा सिद्धलेक गाउँपालिका ६ परेवाटारका १४ वर्षीय निर्मल श्रेष्ठ र १५ वर्षीय सञ्जिव श्रेष्ठ छन् ।
प्रहरीका अनुसार ट्रकका चालक रौतहटका अशोक बम्जन नियन्त्रणमा छन् भने मृतक बालकका आफन्तहरूले सडक अवरूद्ध गरेका छन् ।
आश्विन १७, २०८० ०१:५७ मा प्रकाशित
