काठमाडौं । काठमाडौं महानगरपालिकाले न्यूरोड क्षेत्रमा मंसिर २ गतेसम्म निर्माणसम्बन्धी सबै काम स्थगित गर्ने सहमति गरेको छ ।
महानगरमा मेयर बालेन्द्र शाह(बालेन), उपमेयर सुनिता डंगोल, प्रवक्ता नविन मानन्धर, वडा नम्बर २२ का अध्यक्ष चिनीकाजी महर्जन र वडा नम्बर २३ का अध्यक्ष मचाराजा महर्जनबीच छलफल भएको थियो ।
छलफलपछि मंसिर २ गतेसम्म काम रोक्ने सहमती भएको छ । काठमाडौँ महानगरपालिका २२ का वडा अध्यक्ष चिनीकाजी महर्जनका अनुसार अहिले तत्काल काम रोकी उपमेयर सुनिता डंगोलको संयोजकत्वमा समिति बनाउने र उक्त समितिले दिने प्रतिवेदनको आधारमा अघि बढ्ने सहमति भएको छ ।
महानगरले न्यूरोडमा फुटपाथ बढाउन थालेपछि २२ तर्फका स्थानीयले अवरोध गरि आन्दोलन गर्दै आएका थिए ।
श्रावण ७, २०८१ ०५:२६ मा प्रकाशित
