काठमाडाैँ । चौतर्फी विरोध भएपछि मधेश प्रदेशका मुख्यमन्त्री सतिश कुमार सिंहले आधा दर्जन बढी राज्यमन्त्रीलाई हटाएका गरेका छन् । अनावश्यक मन्त्रीमण्डल बनाएको भन्दै आलोचना भएपछि मुख्यमन्त्री सिंहले आठ राज्यमन्त्रीलाई हटाएका हुन् ।
यसअघि मुख्यमन्त्रीले एमालेका मोहम्मद जैद आलम, लोसपाका रामवावु यादव, जनमतका शम्भु कुमार साह, कांग्रेसका रेखा ठाकुर र निलम कुमारीलाई राज्यमन्त्रीमा नियुक्त गरेका थिए । त्यसअघि नै राज्यमन्त्री बनेका केशव राय, शारदादेवी थापा र रन्जु खंगलाई समेत राज्यमन्त्रीबाट हटाइएको छ ।
साउन २२ गते मुख्यमन्त्री सिंहले ५ जनालाई राज्यमन्त्रीमा नियुक्त गरेपछि चौतर्फी आलोचना भएको थियो । आलोचनापछि राज्यमन्त्री सिंहले उनीहरुलाई हटाएका छन् । अब प्रदेशमा १२ जना मन्त्री बाँकी रहेका छन् ।
श्रावण २९, २०८१ १२:३८ मा प्रकाशित
