उदयपुर । उदयपुरमा होली खेल्ने क्रममा सुनकोशीमा डुबेर तीन बालबालिका बेपत्ता भएका छन् ।
त्रियुगा नगरपालिका–१४ साउने बजारका ९ वर्षीया रिदम मगर, १२ वर्षीया रेखा मगर र १२ वर्षीया लोक बहादुर मगर बेपत्ता भएको जिल्ला प्रहरी कार्यालय उदयपुरले जनाएको छ।
बालबालिकाहरुको समुह होली खेल्दै धाप्लाङघाट पुगेका थिए । कोशीमा पौडिन पसेका मध्य पाँच जनाको स्थानीयले उद्धार गरेको र तीनजना भने बेपत्ता भएको प्रहरी नायव उपरिक्षक हरिनन्दन चौधरीले बताए । घटनास्थलतर्फ खोजतलासका लागि प्रहरी खटिसकेको डिएसपी चौधरीले बताए।
घटनाको विस्तृत विवरण भने आउन बाँकी रहेको प्रहरीले जनाएको छ।
चैत्र ११, २०८० ०६:३० मा प्रकाशित
