काठमाडाैँ । राष्ट्रिय स्वतन्त्र पार्टीले राजनीतिक प्रतिशोध विरुद्ध अपरान्ह ३ बजे माइतीघर मण्डलामा प्रदर्शन गर्ने भएको छ । रास्वपाका सभापति रवि लामिछानेलाई सरकारले राजनीतिक प्रतिशोध साँधेर पक्राउ गरेर हिरासतमा राखेको बताउँदै आएको रास्वपाले आइतबार माइतीघरमा प्रदर्शन गर्ने भएको हो ।
सहकारी बचत अपचलनमा पार्टी सभापति लामिछानेलाई पक्राउ गरेर हिरासतमा राखेसँगै रास्वपाले निरन्तर प्रदर्शन गर्दै आएको छ । कात्तिक २ गते लामिछानेलाई पक्राउ गरेपटि पार्टीपंत्ति र उनका समर्थकहरुले देशव्यापी आन्दोलन गरिरहेका छन् । सोही क्रमलाई निरन्तरता दिँदै पार्टी नेतृत्वले आइतबार माइतिघरमा प्रदर्शन गर्ने पार्टीका कार्यबाहक प्रवक्ता मनिष झाले बताए ।
रास्वपाले रवि लामिछाने पक्राउको विरोधमा एक हप्तासम्म पोखरामा निरन्तर प्रदर्शन गरेको थियो भने शुक्रबारदेखि काठमाडौँ केन्द्रित प्रदर्शन गर्दै आएको छ ।
