जाजरकोट । जाजरकोटमा पहिरोमा पुरिएर एकै घरका श्रीमान् श्रीमती बेपत्ता भएका छन् । पहिरोमा परेकी एक बालिकाको गम्भीर अवस्थामा उद्धार गरिएको छ ।
जिल्लाको बारेकोट गाउँपालिका ६ धुमा गाउँमा राति २ बजे पहिरोले घर पुरिएको थियो । जिल्ला समन्वय समिति जाजरकोटका उपप्रमुख दल बहादुर सिंहका अनुसार बारेकोट ४ पल्लो धुमा गाउँमा राति २ बजे घर पुरिँदा मान बहादुर चलाउने र उनकी श्रीमती मायादेवी चलाउने पुरिएका हुन् । मायादेवी नं ६ की महिला वडा सदस्य समेत हुन् ।
घटनास्थल वाट चलाउनेकी छोरी गम्भीर घाइते अवस्थामा उद्धार गरिएको तर २ जनाको शव निकाल्न नसकिएको जानकारी गाउँले मार्फत आएको उपप्रमुख सिंहले बताए ।
भाद्र २३, २०८१ ०९:५१ मा प्रकाशित
