काठमाडौँ । लगातारको वर्षाका कारण काठमाडौँ उपत्यकाका विभिन्न बस्तीमा बाढी पसेको छ भने अधिकांश क्षेत्र जलमग्न भएको छ ।
गएरातिदेखिको वर्षाका कारण काठमाडौंका बागमती नदीमा बाढी आएको छ भने हनुमन्ते खोलाको जगाती, खोड्कु खोलाको झरुवा रासी, बागमती नदीको खोकना बाढी मापन केन्द्रमा बाढीको सतह चेतावनीको तहसम्म पुगेको छ ।
वर्षाका कारण बनस्थलीको मिलिजुली टोल, स्वयम्भुको सानो भर्याङ क्षेत्र डुबानमा परेको छ भने बल्खुको तरकारी बजार, कुलेश्वरको फलफूल बजार तथा सुकुम्बासी बस्तीमा बाढी पसेको काठमाडौँ महानगरले जनाएको छ । यस्तै माछापोखरी क्षेत्रमा मेलम्ची खानेपानी आयोजनाको पाइपलाइन समेत फुटेर थप डुबान भएको छ ।
यस्तै र्कीतिपुर ६ चोभारमा पहिरोले हेटौँडा बल्खु सडक अवरुद्ध भएको छ ।
श्रावण २२, २०८१ ११:१९ मा प्रकाशित
