काठमाडाैँ । देशका विभिन्न क्षेत्रमा बुधबारदेखि हिमपात भएको छ । हिमाली जिल्ला हुम्ला, जुम्ला, म्याग्दी, मुस्ताङ, रुकुम पूर्व लगायतका जिल्लामा हिउँ परेको हो ।
जुम्लामा बिहिबार बिहानैदेखि हिमपात भएको छ । हरेक वर्ष हिउँदमा हिमपात हुने जिल्लामा यस वर्ष ढिलोगरी हिउँ परेको हो । सदरमुकाम खलङ्गामसहित जिल्लाभर करिब आधा फिट हिउँ जमेको छ । ढिलोगरी हिमपात भएपछि हिउँदै बाली लगाएर आकाशे पानीको पर्खाइमा रहेका किसान भने खुसी भएको जिल्लाको तिला गाउँपालिमा–१ का स्थानीय बासिन्दा पार्वती बुढाले जानकारी दिए।
जिल्लामा यसवर्षको हिउँदेयामको पहिलो हिमपात हो । माघको महिना लाग्दा पनि हिउँ नपरेपछि खडेरी लाग्ने हो कि भन्ने किसान चिन्तामा थिए । जौ र गहुँबाली लगाएका किसान यो हिउँले निकै राहत भएको बताउँछन् ।
स्याउ र ओखरका बिरुवा रोप्ने याम आएकाले हिउँले सहज हुने कृषक गोपाल रोकायाको बताउँछन् । त्यस्तै हिउँ परसँगै जुम्लालगायत माथिल्लो कर्णालीमा हवाई सेवा अवरुद्ध भएको छ ।
जुम्लाको सदरमुकाम खलङ्गा बजारमा परेको हिउँ
म्याग्दी र मुुस्ताङ जिल्ला जोड्ने टोड्के–धौलागिरि सांस्कृतिक पानोरमा पदमार्गको अध्ययन टोली हिउँले ढाकेको पदमार्ग छिचोलेर रघुगङ्गा गाउँपालिका–८ कुइनेमङ्गलेतर्फ जाँदै
रुकुम पूर्वको सदरमुकाम रुकुमकोटबाट बिहीबार बिहान देखिएको दादिङ्को डाँडामा परेकाे हिउँ
