काठमाडाैँ । काठमाडौँको नागार्जुन क्षेत्रमा पेस्तोल देखाएर स्थानीयलाई त्रसित बनाउने एक जना पक्राउ परेका छन् । शनिबार राति ९ बजेको समयमा काठमाडौँको नागार्जुन नगरपालिका १ रानीवनस्थित वडा एरियामा पेस्तोल देखाउँदै थर्काउँदै हिँडेको अवस्थामा प्रहरीले दैलेखका अनिल खड्कालाई नियन्त्रणमा लिएको हो ।
स्थानीयलाई त्रसित बनाएको भन्ने सूचनाका आधारमा पुगेको प्रहरी वृत्त स्वयम्भूको टोलीले उनलाई नियन्त्रणमा लिएको हो । पक्राउ परेका खड्काको साथबाट प्रहरीले AUTO PISTAL USA 65 NO 1 लेखिएको पेस्तोल र खाली म्यागजिन बरामद गरेको छ । उनलाई नियन्त्रणमा लिएर अनुसन्धान भइरहेको जिल्ला प्रहरी परिसरका सूचना अधिकारी नवराज अधिकारीले जानकारी दिए ।
दैलेखको भगवतीमाई गाउपालिका ७ स्थायी घर भएका २५ वर्षीय खड्का रानीवन राधाकृष्ण मन्दिर नजिकै भाडामा कोठा लिएर बस्ने गरेको प्रहरीले जनाएको छ ।
