काठमाडौँ । काठमाडौँ १६ की निर्वाचित वडाध्यक्ष रोजिना श्रेष्ठ पदभार सम्हालेकी छिन् । मंगलबार महानगरपालिकाका मेयर बालेन शाहले पद तथा गोपनियताको सपथ गराएसँगै उनले कार्यालय पुगेर पदभार सम्हालेकी हुन् ।
पदभार सम्हाल्दै गर्दा आफूले एउटा फाइल अगाडि बढाएको उनले बताइन् । ‘कार्यालयमा आएसँगै ३ फाइल आए । १ फाइलको प्रक्रिया अगाडी बढाइसक्यौँ, २ फाइल अध्ययन गर्न बाँकी छ । त्यो अध्ययन गरेर अघि बढ्छ ।’, नवनिर्वाचित वडाध्यक्ष श्रेष्ठले भनिन् ।
त्यस्तै पदभार सम्हाल्दै गर्दा उनी आफू जनताको सेवाका लागि आएको र सँधै गरिरहने बताएकी छिन् । ‘जनताको सेवाका लागि आएको हुँ । सँधै सेवामा लागिरहन्छु ।’, श्रेष्ठले भनिन् ।
त्यस्तै उनले काठमाडौँ महानगरपालिका, त्यसका जनप्रतिनिधि सबैसँग सहकार्य गरेर अघि बढ्ने र विकासमा तिव्रता दिइने बताइन् ।
मंसिर १८, २०८१ ०४:५६ मा प्रकाशित
