काठमाडाैँ । नेपाली बजारमा सुनको मूल्यले नयाँ रेकर्ड बनाएको छ । नेपाली सुनचाँदी व्यवसायी महासंघका अनुसार नेपाली बजारमा सुनको मूल्य बुधबार प्रतितोला १ हजार ८ सय रुपैयाँले वृद्धि भएर रेकर्ड कायम भएको हो । मंगलबार सामान्य घटेको सुनको मूल्यले रेकर्ड बनाएको हो ।
महासंघका अनुसार बुधबार छावावाल सुनको मूल्य प्रतितोला एक लाख ३३ हजार रुपैयाँ पुगेको छ। त्यस्तै तेजाबी सुनको मूल्य पनि बढेर १ लाख ३२ हजार ३५० रुपैयाँमा कारोबार भएको छ ।
साथै, बुधबार चाँदीको मूल्यले पनि नयाँ रेकर्ड कायम गरेको छ । बुधबार चाँदीको मूल्य ६५ रुपैयाँले बढेर १६ सय १० रुपैयाँमा कारोबार भएको हो ।
यसअघि आइतबार सुनको मूल्य १ लाख ३० हजार पुगेर रेकर्ड बनाएको थियो । उक्त रेकर्ड सोमबार १ लाख ३१ हजार ६ सय रुपैयाँ पुगेको थियो । उक्त मूल्यमा मंगलबार ४ सयले घटेर १ लाख ३१ हजार २ सयमा झरे पनि बुधबार फेरि १८ सयले बढेर नयाँ रेकर्ड बनाएको हो ।
