काठमाडौँ । महोत्तरीमा नेपाल सरकारकै कारण नेपाली भूमि मिचिएको छ। संघिय सरकारको बजेटमा सीमा क्षेत्रमा निर्माण भइरहेको एक नहरमा नेपालतर्फको भूमि भारततर्फ परेको हो ।
महोत्तरीको मटिहानी ८ र भारतको मधुवनी जिल्लाको मधवापुर पञ्चायत एक सीमा क्षेत्रमा सङ्घीय सरकारको बजेटमा नहर बनीरहेको छ । बिग्ही नदी देखि गाछीसम्म परिक्रमा गर्ने उक्त पक्की नहर निर्माणमा नेपाली भूमि भारततर्फ परेको स्थानीय राजनीतिक दलका अगुवाहरूले जनाएका छन् ।
सीमाको पिलर नम्बर २९५/१ देखि २९५/५ सम्म निर्माण सम्झौताअनुसार काम भइरहेको भए पनि पिलर नम्बर २९५/५ देखि २९५/६ सम्म १५ फिट नेपाली भूमि भारततर्फ जबरजस्ती पारिएको स्थानीयको आरोप छ।
भारतीय सीमा सुरक्षा बल एसएसबी र स्थानीय सरकारको मिलोमतोमा सीमा मिचिएको भन्दै स्थानीय सर्वदलीय राजनीतिक समितिले आपत्ति जनाएको छ।
पुस २८, २०८१ ०१:११ मा प्रकाशित
