दोलखामा बरामद भएको ११ किलो सुन प्रकरणमा प्रहरीले काठमाडौँबाट थप एक जनालाई पक्राउ गरेको छ ।
केन्द्रीय अनुसन्धान ब्युरो (सिआइबी)ले सोमबार काठमाडौँबाट महिमा माझीलाई पक्राउ गरेको हो । सुन प्रकरणमा पक्राउ परेकासँग उनको बैकिङ कारोबार देखिएका कारण उनलाई पक्राउ गरिएको प्रहरीले जनाएको छ ।
दोलखा जिल्ला प्रहरी कार्यालयले पक्राउ गर्न पत्राचार गरेअनुरुप नै प्रहरीले उनलाई पक्राउ गरेर थप अनुसन्धानका लागि मंगलबार जिल्ला प्रहरी कार्यालय दोखला पठाएको छ ।
दोलखामा सुन तस्करी गरिएको यस प्रकरणमा यसअघि नै १४ जना पक्राउ परिसकेका छन् ।
कार्तिक २२, २०८० ०९:५८ मा प्रकाशित
