४ असाेज : संसदमा दर्ता भएको शिक्षा सम्बन्धी विधेयकको विरोध गर्दै आन्दोलनरत देशभरका शिक्षकहरुसँग वार्ता गर्न सरकारले गृहमन्त्री नारायणकाजी श्रेष्ठलाई जिम्मेवारी दिएको छ ।
यसअघि सरकारले आन्दोलनरत शिक्षकसँग वार्ता गर्न शिक्षामन्त्रीलाई जिम्मेवारी दिएको थियो तर शिक्षकहरुले शिक्षामन्त्रीसँग वार्ता नगर्ने अडान लिएपछि गृहमन्त्रीलाई जिम्मेवारी तोकिएको हो ।
शिक्षकहरुको मागलाई सम्बोधन गर्ने ल्याकत शिक्षामन्त्रीसँग नभएको भन्दै सडकमा आन्दोलनरत शिक्षकले शिक्षामन्त्री राजीनामा मागेका थिए । त्यस्तै उनीहरु वार्तामा नै नआएको भन्दै उक्त जिम्मेवारी गृहमन्त्री नारायणकाजी श्रेष्ठलाई दिइएको हो ।
शिक्षकहरुप्रति सरकार सकरात्मक रहेको र बुधबारदेखि उपप्रधान तथा गृहमन्त्रीको नेतृत्वमा नै वार्ता र छलफल हुने हुँदा शिक्षकहरुको माग सम्बोधन हुनेमा सरकार विश्वस्त छ ।
आश्विन ४, २०८० ०९:२२ मा प्रकाशित
