काठमाडौँ । नुवाकोटको सूर्यचौरमा एअर डाइनेस्टीको हेलिकप्टर दुर्घटनामा मृत्यु भएका ५ जनाको शव काठमाडौँको महाराजगञ्जस्थित त्रिभुवन शिक्षण अस्पताल पठाइएको छ । दुर्घटना स्थल नुवाकोटको शिवपुरी गाउँपालिका–७ सूर्यचौरबाट महाराजगञ्ज पठाइएको हो ।
आज दिउँसो भएको विमान दुर्घटनामा पाइलट अरुण मल्लसहित ४ चिनियाँ नागरिकको मृत्यु भएको थियो । आज दिउँसो १ः५४ बजे भक्तपुरको नलिनचोकबाट रसुवाको स्याँफ्रुबेसीका लागि उडान भरेको उक्त हेलिकप्टर तीन मिनेटपछि सम्पर्कबिहीन भएको थियो ।
श्रावण २३, २०८१ ०६:२२ मा प्रकाशित
