काठमाडौँ । नेपाल भ्रमणमा रहेका भारतका विदेशसचिव विक्रम मिस्रीले प्रधानमन्त्री केपी शर्मा ओलीसंग शिष्टाचार भेटवार्ता गरेका छन् ।
परराष्ट्र सचिव सेवा लम्सालको मैत्रीपूर्ण निमन्त्रणामा आइतबार नेपाल आएका भारतका विदेशसचिव मिस्रीले सिंहदरबारमा पुगेर प्रधानमन्त्रीसँग शिष्टाचार भेटवार्ता गरेका थिए । भेटका अवसरमा दुई पक्षीय र मित्रवत सम्बन्धलाई अझै मजबुत बनाउने बारेमा छलफल भएको बताइएको छ ।
भेटमा नेपाल भ्रमणमा रहेको भारतीय प्रतिनिधि मण्डलका साथै नेपालको परराष्ट्र मन्त्रालयका अधिकारीको उपस्थिति थियो ।
त्यसअघि भारतीय विदेश सचिव विक्रम मिस्रीले राष्ट्रपतिसँग पनि शिष्टाचार भेट गरेका थिए । राष्ट्रपति भवन शीतल निवासमा भएको शिष्टाचार भेटमा द्धिपक्षीय हित र सम्बन्धका विविध विषयमा कुराकानी भएको थियो ।
विदेश सचिव मिस्री दुईदिने भ्रमणका लागि आइतबार बिहान काठमाडौँ आइपुगेका हुन् । विदेशसचिव मिस्री भोलि साउन २८ गते स्वदेश फर्किने कार्यक्रम छ ।
