काठमाडौं । उपप्रधान एवं गृहमन्त्री रवि लामिछानेले गैरकानुनी काम गर्ने जो कोहीलाई आदेश कारबाही गर्न कसैको आदेश नकुर्न प्रहरीलाई निर्देशन दिएका छन् । सामाजिक सञ्जालमा प्रहरीलाई सम्बोधन गर्दै लामिछानेले कुनै पनि अपराध गरेको भेटिए तत्कालै ऐन अनुसार कारबाही गर्न अपिल गरेका हुन् ।
साथै लामिछानेले ऐन अनुसार काम गर्ने प्रहरीलाई आफूले सलाम गर्ने बताएका छन् ।
यस्तो छ लामिछानेको स्टाटस:
“देशभरका सम्पूर्ण राष्ट्रसेवक प्रहरीहरूलाई मेरो अपिल स् देशको कुनै पनि भागमा कुनै पनि व्यक्ति वा समूहले गैरकानुनी काम गरेको छ, गैरकानुनी धन्दा चलाएको छ, करछली गरेको छ, गुन्डागर्दी, धाकधम्की, तस्करीलगायतका अपराध गरेको छ भने त्यसलाई कारबाही गर्न मेरो वा कसैको आदेश कुर्नु पर्दैन,” उनले फेसबुकमा लेखेका छन्, “ऐन पल्टाउनुस् र देखाइदिनुस् कानुनी राज्य भनेको के हो । तपाईंले मलाई होइन, मैले तपाईंलाई सलाम गर्ने गरी काम गर्नुहोस् । मेरो शुभकामना छ । जय नेपाल (पार्टीवाला होइन, देशवाला)”
