काठमाडाैँ । आईसीसी विश्वकप क्रिकेट लिग २ अन्तर्गतको खेलमा नेपालले नामिबियालाई १६९ लक्ष्य दिएको छ । नेपाल ३७.१ ओभरमा १६८ रन बनाउँदै अल आउट भएको हो ।
नेपालको लागि आशिफ शेखले ५८ रन, कुशल मल्लले ३८, भीम सार्कीले २६, कुशल भुर्तेलले १८, र करण केसीले १२ रन बनाए । कप्तान रोहित पौडेल, अनिल शाह र देव खनालले एक पनि जोड्न सकेनन् ।
नामिबियाका लागि भने बर्नार्ड स्कोल्जले ४ विकेट लिए । त्यस्तै निकोल लोफ्टि इटनले ३ विकेट लिए भने ज्याक ब्रेसल र जेराल्ड एरास्मसले एक एक विकेट लिए ।
फाल्गुन ९, २०८० १२:१० मा प्रकाशित
