काठमाडौँ । उपसभामुखलाई हटाउन खोजे नेकपा माओवादी केन्द्रले प्रतिवाद गर्ने भएको छ । आज बसेको संसदीय दलको बैठकले उक्त निर्णय गरेको प्रमुख सचेतक हितराज पाण्डेले जानकारी दिए ।
पाण्डेले भने, ‘उपसभामुखको बिषयमा हामीले कुरा आउनेबित्तिकै सशक्त ढंगले प्रतिवाद गरेकै छौँ । उपसभामुखबाट केही कमजोरी भएकै लाग्छ हामीलाई पनि। सम्मानित पदमा बसेको मान्छेले लेटरहेड प्रयोग गर्दा विचार गर्नेपर्छ। तर, अहिलेको कुरा होइन । अहिले जसरी आयो त्यो बेठिक छ। त्यसैले उपसभामुखलाई हटाउने कुरा आयो भने प्रतिवाद गर्ने छौँ ।’
भाद्र २८, २०८१ ०५:०२ मा प्रकाशित
