पशुपतिनाथ मन्दिरको गेटमा चिया पसल गर्ने व्यापारीको २ वर्षिया छोरी अपहरण गरेको आरोपमा प्रहरी एकजनालाई पक्राउ गरेको छ ।
काठमाडौँ महानगरपालिका–८ स्थित पशुपतिनाथ मन्दिरको १ नम्बर गेटबाट मंगलबार साँझ हराएकी ति बालिकालाई रामेछापको मन्थली नगरपालिका–५ घर भएका राज नेपालले भक्तपुरस्थित दधिकोटमा लगेर राखेको अवस्थामा प्रहरीले उद्धार गरेको थियो ।
राजले बालिकाकालाई अफलाइन पठाओमा चढाएर भक्तपुर पुर्याएको र सिसिटिभीलाई फलो गरेर उनलाई नियन्त्रणमा लिएको प्रहरीले जनाएको छ ।
पक्राउ परेका नेपालले उनी आफ्नी छोरी भएको र पसलेले आफ्नी छोरी लगेर राखेको जिकिर गरेका छन् ।
बालिकालाई घर लगेर राखेका उनलाई प्रहरीले पक्राउ गरि अपहरण तथा शरीर बन्धकसम्बन्धी कसुरमा मुद्दा दर्ता गरी अनुसन्धान गर्ने तयारी गरेको छ ।
पुस १२, २०८० ०९:२५ मा प्रकाशित
