काठमाडाैँ । धरानबाट ओखलढुङ्गा जाँदै गरेको सुमो दुर्घटना भएको छ । धरानबाट चालकसहित १२ यात्रु बोकेर ओखलढुङ्गा जाँदै गरेको को १ ज २८३५ नम्बरको सुमो मानेभञ्ज्याङमा दुर्घनामा परेको हो ।
मानेभञ्ज्याङ प्रहरीका अनुसार हिलेपानीबाट उकालाे (ओखलढुङ्गा) तर्फ जाँदै गरेको सुमो शुक्रबार दिउँसो २ बजे दुर्घटनामा परेको हो । उक्त जीप सडकबाट करिब २ सय मिटर तल खसेको प्रहरीको भनाई छ । जीपमा सवार १ जना गम्भीर घाइते र अन्यको अवस्थामा सामान्य रहेको प्रहरीले जनाएको छ । घाइतेको उद्धार गरी उपचारका लागि ओखलढुङ्गा सामुदायिक अस्पताल पठाइएको प्रहरीले जनाएको छ ।
जीप अनियन्त्रित भएर दुर्घटना भएको प्रहरीले जनाएको छ ।
श्रावण १८, २०८१ ०३:५५ मा प्रकाशित
