काठमाडौँ । राष्ट्रिय प्रजातन्त्र पार्टी (राप्रपा)ले राजसंस्था र हिन्दुराष्ट्रको पुनःस्थापना सहित प्रधानमन्त्रीलाई ४० बुँदे मागपत्र बुझाउन लागेको जनाएको छ ।
बुधबार काठमाडौँमा प्रधानमन्त्री र देशका सबै प्रमुख जिल्ला अधिकारीहरुलाई मागपत्र बुझाइने राप्रपाले जनाएको छ ।
मागपत्रमा राजसंस्था र हिन्दुराष्ट्रको पुनःस्थापना, प्रदेश संरचनाको खारेजी, भ्रष्टाचार नियन्त्रण, सुशासनको प्रत्याभूति गराउनु पर्ने लगायतका बुँदा राखिएको राप्रपाका अध्यक्ष लिङ्देनले बताए ।
मागपत्र बुझाउनु अघि राप्रपाले दबाबमुल र्याली गरिने जनाइएको छ । भृकुटीमण्डपबाट भद्रकाली, सुन्धारा, वीर हस्पिटल, रत्नपार्क हुँदै पुनः भृकुटीमण्डपसम्म र्याली गरि विरोध सभामा परिणत हुने राप्रपाले जनाएको छ ।
फाल्गुन ९, २०८० ११:१८ मा प्रकाशित
