काठमाडाैँ । प्रधानमन्त्री केपी शर्मा ओलीले बुधकारका लागि बोलाएको संवैधानिक परिषद्को बैठक शुक्रबारसम्मका लागि सरेको छ। बुधबार बेलुका ५ बजे बस्नेगरी बोलाइएको बैठक शुक्रबारसम्मका लागि सरेको हो।
संवैधानिक परिषद्को अध्यक्षसमेत रहेका प्रधानमन्त्री केपी शर्मा ओलीले नयाँ प्रधानन्यायाधीश सिफारिसको विषयमा छलफल गर्न बैठक बोलाइएपनि उक्त बैठक २ दिन पछिका लागि सरेको हो ।
प्रधानन्यायाधीश विश्वम्भरप्रसाद श्रेष्ठले आगामी असोज १८ गतेदेखि अवकाश पाउँदैछन्। सोही कारण नयाँ प्रधानन्यायाधीश सिफारिस गर्नका लागि संसदीय सुनुवाई पनि गर्नुपर्ने प्रावधान अनुरुप बैठक बोलाइएको बताइएको थियो ।
संविधानले बहालवाला प्रधानन्यायाधीश अवकाश हुनुभन्दा एक महिनाअघि नै भावी प्रधानन्यायाधीश नियुक्तिको प्रक्रिया अघि बढाउनुपर्ने व्यवस्था गरेको छ।
भाद्र २६, २०८१ १२:४९ मा प्रकाशित
