काठमाडौं । रास्वपाका सभापति रवि लामिछानेलाई रातारात पोखरा लगिएको प्रति नेपाली कांग्रेसका नेता डा.शेखर कोइरालाले आपत्ति जनाएका छन् । भरतपुर विमानस्थलमा पत्रकारहरुसँग कुरा गर्दै कोइरालाले मध्यरातमा हतार हतार स्थानान्तरण गर्नु अमानवीय व्यवहार भएको बताएका हुन् ।
उनले रवि लामिछानेको अदालती प्रक्रियामा गरिरहेका बेलामा राति उठाएर लैजानु मानव अधिकार विरुद्धको कदम भएको बताए । साथै उनले यसलाई अमानवीय काम भनेका छन् ।
कोइरालाले भने, ‘नेपाली कांग्रेस मानव अधिकार र लोकतन्त्रप्रति प्रतिबद्ध छ । रविजीको विषयमा अदालतले आफ्नो प्रक्रिया अघि बढाइरहेको छ । त्यसमा मेरो केही भन्नु छैन, तर राति १२ बजे उठाएर लैजाने भन्ने कुरा चाहिँ अमानवीय काम हो । यो रविजीको मात्रै कुरा होइन, कसैलाई पनि गर्न हुँदैन । यो त हाम्रो लोकतान्त्रिक देश हो । त्यो बिल्कुल गलत हो ।’
मंसिर २२, २०८१ ०४:२० मा प्रकाशित
