१३ भदौ, काठमाडौं । पूर्व सभामुख कृष्णबहादुर महराका छोरा राहुल महरालाई ५ दिन हिरासतमा राखेर अनुसन्धान गर्न जिल्ला अदालत काठमाडौंले अनुमति दिएको छ । महराले आज दिउँसो प्रहरीसमक्ष आत्मसमर्पण गरेका थिए ।
उनलाई संगठित अपराधमा अनुसन्धानका लागि म्याद थपका लागि अदालत लगिएको थियो । प्रहरीले १० दिनको म्याद मागेपनि अदालतले ५ दिन मात्र दिएको हो ।
दुबईबाट भेपमा लुकाएर ल्याइएको ९ किलो सुनमा महरा बाबुछोराको प्रतयक्ष संलग्नता रहेको सीआईबीको प्रतिवेदनमा उल्लेख छ । प्रतिवेदनमा राहुल सुन ल्याउने योजनाकारमध्ये एक रहेको समेत जिकिर गरिएको छ ।
२०७९ पुस १० मा दुबईबाट चिनियाँ नागरिक दाओजिन वाङसहितको गिरोहले भेपभित्र लुकाएर ९ किलो सुन तस्करी गरेका थिए ।
भाद्र १३, २०८० ०९:५९ मा प्रकाशित
