काठमाडाैँ । सहकारी रकम अपचलन प्रकरणमा पक्राउ परेका पुर्वगृहमन्त्री रवि लामिछानेलाई तेस्रो पटक अदालतमा उपस्थित गराइएको छ । सूर्यदर्शन सहकारीको रकम अपचलन प्रकरणमा पक्राउ गरेर कास्की प्रहरीको हिरासतमा रहेका उनलाई तेस्रो पटक अदालत उपस्थित गराइएको हो ।
उनीसँगै सोही प्रकरणमा पक्राउ गरेर हिरासतमा रहेका गोर्खा मिडियाका पूर्वसञ्चालक छविलाल जोशी, लिला पछाईं र रामबहादुर खनाललाई समेत अदालत उपस्थित गराइएको छ ।
कात्तिक २ गते पक्राउ परेका लामिछानेलाई यस अघि २ पटक थपिएको म्याद १४ गते नै सकिएपनि तिहार बिदाका कारण ५ दिनदेखि विना म्याद हिरासतमा राखिएको थियो ।
लामिछानेको बयान तथा कागजपत्रको अनुसन्धान सकिएको कास्की प्रहरीले स्रोतले जनाएको छ । तर फेरी पनि तिहार बिदासहित जोडेर थप म्याद माग्ने प्रहरीको तयारी छ ।
कार्तिक २०, २०८१ १०:५९ मा प्रकाशित
