वीरगंज महानगरपालिकाले सानो पाइला बचत तथा ऋण सहकारी संस्थाको कार्यालयमा शिलबन्दी गरेको छ । बचतकर्ताको करोडौं रुपैयाँ फिर्ता नगरेको भन्दै कारवाही शिलबन्दी गरेको महानगरले जनाएको छ । २०७९ पुसमा बचतकर्ताको गुनासोको अधारमा अनुगमन गरेर महानगर अन्तर्गतको सहकारी शाखाले २०८० असार मै विस्तृत प्रतिवेदन बनाएर सिआईबिको जिम्मा लगाएको थियो ।
बचतकर्ताको रकम सुरक्षित गर्न महानगरले विस्तृत अनुसन्धान गर्न सिआईबीको जिम्मा लगाए पनि अहिले सिआईबीलाई टेकेर महानगर आफैले कारबाहीको प्रकृया अगाडी बढाएको हो । महानगरको सहकारी शाखाको नेतृत्वमा शाखा प्रमुख सुनिल कुमार कर्ण, वडा न ६ का वडा अध्यक्ष जय प्रकाश शाह अग्रवाल, जिल्ला प्रशासन कार्यालयका प्रतिनिधि ब्रहमदेव प्रसाद यादव, वडा प्रहरी कार्यालय बृतको रोहवरमा सानो पाइला सहकारीमा शिलबन्दी गरिएको महानगरले जनाएको छ ।
पुस २६, २०८० ०७:५० मा प्रकाशित
