काठमाडौँ । काठमाडौँ महानगरपालिका वडा न २७ बाट फोहोर वर्गाीकरण सुरु गर्ने भएको छ । महानगरको वातावरण समितिको बैठकले, फोहोर वर्गीकरण नमूना कार्यक्रम वडा न २७ बाट थाल्ने निर्णय गरेको हो ।
समितिले पहिलो चरणमा फोहोरका स्रोतका बारेमा अध्यन गरिने छ भने वर्गीकरण बारे सचेतना प्रबर्धन गर्ने छ । दोस्रो चरणबाट उत्पादकलाई नै फोहोर वर्गीकरण गर्न लगाउने छ ।
विभागले हरेक घर दैलोमा पुगेर फोहोर संकलन गर्ने रुट निर्धारण गर्ने, साधन तथा उपकरणको प्रबन्ध गर्ने, जनशक्ति परिचालन गर्ने, संकलन तथा व्यवस्थापन विधि सिकाउने, समुदायको सहभागिता बढाउने र कामको अनुगमन मूल्याङ्कनको योजना बनाइरहेको छ ।
माघ १७, २०८० ०३:११ मा प्रकाशित
