१९ भदौ, महोत्तरी । महोत्तरीमा विद्यार्थी र प्रहरीबीच झडप भएको छ । महोत्तरीको सोनमा गाउँपापालिकामा अवस्थित सोनमा माध्यामिक विद्यालयका तीन जना शिक्षकको सरुवा गरेको विषयमा गाउँपालिका कार्यालय परिसरमा तनाब बढेको हो ।
विद्यार्थीहरुले गाउँपालिका कार्यालयमा ढुंगामुडा गरेका छन् । सो क्रममा उनीहरुले प्रहरीमाथि पनि ढुंगामुडा गरेको प्रहरी कार्यालयले जनाएको छ । जसका कारण केही प्रहरी घाइते समेत भएका छन् ।
प्रहरीले स्थिती नियन्त्रणमा लिन अश्रुग्यास समेत प्रहार गरेको छ । अहिले उक्त स्थानमा नेपाल प्रहरी र सशस्त्र प्रहरी परिचालन गरिएको जिल्ला प्रहरी कार्यालय महोत्तरीले जनाएको छ ।
भाद्र १९, २०८० ०८:०७ मा प्रकाशित
